ისტორია

GM PHARMA-ს ისტორია 23 წლის წინ დაიწყო. 90-იანი წლების ბოლოს, მაშინ, როდესაც საბჭოთა კავშირის დაშლის შემდეგ ბოლომდე არ იყო გადაჭრილი ფარმაცევტული პროდუქციით მოსახლეობის უწყვეტად მომარაგების საკითხი და საქართველოში სამკურნალო საშუალებების გარკვეული დეფიციტიც შეინიშნებოდა, გაჩნდა იდეა, ჩვენს ქვეყანაში შექმნილიყო მსოფლიო დონისა და საერთაშორისო სტანდარტების შესაბამისი ფარმაცევტული წარმოება. ეს ერთი შეხედვით წარმოუდგენელი და რთულად განსახორციელებელი ამოცანა 2000 წლის თებერვალში რეალობად იქცა და GM PHARMA-ში პირველი მედიკამენტი - რიფამპიცინის კაფსულები შეიქმნა.
დაფუძნების დღიდან კომპანიის მისია და ფასეულობები უცვლელია – მეცნიერულ მიდგომებზე და ინდუსტრიის საუკეთესო პრაქტიკაზე დაყრდნობით ხარისხისა და პროდუქტების მუდმივი სრულყოფა და ისეთი მედიკამენტების წარმოება-მიწოდება, რომელიც პაციენტების ცხოვრების ხარისხს გააუმჯობესებს და მათ სიცოცხლეს გაახანგრძლივებს.
ამჟამად, დაარსებიდან 23 წლის თავზე, უკვე 12 მილიონამდე ადამიანი მკურნალობს GM PHARMA-ს პროდუქციით ყოველწლიურად საქართველოსა და კომპანიის საერთაშორისო ბაზრებზე, რაც მომხმარებლებისა და ჯანდაცვის სფეროს წარმომადგენლების მხრიდან GM PHARMA-ს აღიარებაზე მეტყველებს.

სტრატეგია

მომდევნო 3-4 წლის განმავლობაში GM PHARMA გეგმავს გაფართოვდეს ახალ სტრატეგიულ მიმართულებებზე, როგორიცაა ევროკავშირის ქვეყნები, სამხრეთ-აღმოსავლეთ აზია, სამხრეთ და ცენტრალური ამერიკა.
კომპანიის სამომავლო გეგმებშია ინვესტიციები თანამედროვე ტექნოლოგიებში (ამპულების, ლიოფილიზატების, ორალური ხსნარების საწარმოო სიმძლავრეების დამატება), მედიკამენტების ინოვაციური გამოშვების ფორმებისა და თანამედროვე მედიცინისთვის აქტუალური პროდუქტების შექმნა, ასევე უფრო მეტი აქცენტის გაკეთება ისეთი პრეპარატების წარმოებასა და მოძიებაზე, რომლებსაც ანალოგები საქართველოში და GM PHARMA-ს საექსპორტო ბაზრებზე არ მოეპოვება.
 GM PHARMA მუდმივად განვითარებადი და სწრაფად მზარდი კომპანიაა, განუწყვეტლივ აფართოებს საპარტნიორო ქსელს და ფოკუსირებულია თანამედროვე ტექნოლოგიებისა და მკურნალობის უახლესი მეთოდოლოგიების დანერგვაზე. კომპანიის მიზანია, მოახდინოს სხვადასხვა პათოლოგიის პრევენცია, მკურნალობა და ბაზარზე არსებული თერაპიული საჭიროებების მაქსიმალურად დაკმაყოფილება.